Sana Alam Mo

Ano ba 'tong nararamdaman?

Tila nga'y iba nanaman

Palagi na lamang palaisipan

Ramdam ang nababalot na kapangyarihan.

Alam kong sayo'y walang katuturan

Ngunit saki'y laging may laman

Ayoko muling maging luhaan

Pero dahil sayo'y nasisiyahan.

Tunay na yatang mahal na kita.

Masakit mang isipin, sayo'y iba.

Sapagkat kaibigan lang nga,

At wari'y walang pag-asa.

Hindi mo alam ang sakit na nadarama

Sa twing nakikita kang masaya sa kanya.

Naguguluhan, nalilito, pag nariyan ka.

Ngunit di pahahalata, idaraan nalang sa tawa.

Mahal ko ang pagkakaibigan natin,

Hindi isusugal ang mayron sa atin, di rin aangkinin.

Mananatiling lihim at ito'y kikimkimin

Ngunit sana naman ako'y iyong mapansin.